Ek het vandag besef
Ek het jou verloor.
Jou vriendskap,
Jou meededeelsaamheid,
Jou wysheid.
Dit is eintlik my skuld
Want ek het my trauma met jou gedeel
‘n man wat uitfreak
‘n man wat psigose kry
En nooit geweet jy kan dit nie hanteer.
Ek het my binneste met jou gedeel vriendin
Want jy het verstaan
En jy het geluister
Maar... dit het jou getraumatiseer,
Jy kon dit nie verwerk.
Ek wou nie die tekens raaksien nie
Ek wou nie glo dat ons vriendskap
Tot n einde gaan kom nie.
Maar vandag moes ek
Die wrede werklikheid aanskou!
My hart is stukkend in my
My hele lewe is aan flarde geskeur.
Want jy het soveel vir my beteken
Ek het n vriendin gekies (soos my pa raad
gegee het)
Wat beter as ek is.
Hoe laat ek jou gaan ...
Jy wat so deel van my binnekring geword het?
Hoe sê ek totsiens
Met ‘n hart wat hier binne breek,
Wat skop teen alles wat logies is?
Maar... as ek jou liefhet,
Moet ek jou laat gaan,
Kan ek nie toelaat dat my trauma
Jou traumatiseer
En jou lewe versuur nie.
Want dan is ek nie waarlik n vriendin nie,
Maar n sadis.
So... ek laat jou gaan ...
Al ween my hart,
Al skeur alles in my uitmekaar.
Gaan in die Here se vrede.
Sy liefde wat jou altyd omring.
Wees rustig en mag jy n vriendin kry
Wat jou kan opbou,
Jou kan ondersteun langs die pad.
‘n Stuk van my hart word weggeskeur,
My trane vloei soos ‘n rivier oor my wange ...
Want jy was vir my kosbaar -
Meer kosbaar as wat ek ooit
Kon of wou besef.
Maar... soms moet jy iemand laat gaan
Omdat dit vir haar beter is om te gaan.
Soms moet jy iemand laat gaan
Sodat hul ‘n beter pad kan stap
Met vrede in hul harte.
Ek gaan jou mis vriendin!
Net die Here alleen weet
Hoeveel jy vir my beteken
En beteken het.
Jy was en is onmisbaar in my lewe.
Nou is dit net ek en Jesus oor
Maar dit is vir my genoeg!
Dit moet maar net genoeg wees,
Al voel dit nie op hierdie oomblik so nie.
Maar ek weet Hy sal my dra.
My lewe gaan leeg wees
Sonder jou laggie,
Jou skerp humor,
Jou vrolike geaardheid
En jou liefde vir die Here.
Maar ek gun jou rus en vrede
Weg van my
Sodat jy ook kan herstel
En nie altyd na my trauma moet luister.
Net jouself kan wees.
Gaan in Sy vrede,
Sy liefde,
Sy leiding,
Sy krag en energie
En Sy onderrig in jou lewe!
Jy is en was kosbaar vir my!
Baie dankie vir al die insette in my lewe
Elke keer wat jy my moed ingepraat het
Geluister en probeer verstaan het
Nou is dit ook klaar.
Ek laat jou gaan vriendin
Ter wille van jouself ...
Ter wille van die kosbare mens wat jy is ...
Ter wille van jou gemoedsrus ...
En ter wille van jou vrede.
Wees gesëend en gaan in vrede!
Babs Geldenhuys Kopiereg 2024.03.14
